Rauhnuechtekrees 2026-2027

D’Rauhnuechten sinn eng magesch Zäit tëscht de Joren. Si leien tëscht dem 21. Dezember, respektiv dem 25. Dezember an dem 6. Januar. 

Et ass eng wonnerbar Geleeënheet, fir dat vergaangent Joer Revue passéieren ze loossen, fir nozefillen, wou mir grad stinn a fir z’entdecken, wat mir an der Zukunft brauchen, fir eis wierklech wuel ze fillen. 

Hues du Loscht, mat mir an engem klenge, vertrauleche Krees vu Fraen op eng magesch Rees ze goen? Ech begleeden a guidéieren dech dobäi a si fir dech do. Den Austausch an d’Zesummenhaale ënner Frae kann eppes ganz Déifgräifendes a Wäertvolles sinn, besonnesch an Zäite vu gewëssen Transitiounen. 

Mir treffen eis den 21. November 2026, den 20. Dezember 2026 an den 9.Januar 2027 an mengem gemittlege Raum zu Sëll. 

Wärend de Rauhnuechten, schécken ech dir an eisem virtuelle Grupp ëmmer erëm kleng Impulser a Inspiratiounen, fir dass du wärend de Rauhnuechten deng eege kleng Ritualer an déngem eegene Rhythmus ëmsetze kanns. Sou bleiwe mir verbonnen a begleeden eis géigesäiteg duerch dës besonnesch, transforméierend Zäit.

21. November 2026
10:00-17:00

Virbereedung:

-D’Geschicht vun de Sperr- a Rauhnuechten
-Ressourcen a Ritualer am Alldag
-An d’Fille kommen, sech spieren kënnen
-De Joreszäitendësch (Kraaftplaz)
-Reecheren wärend de Rauhnuechten
-Kraaft vun den Kaarten, Botschaften deite kënnen
-Journaling oder aner Methoden fir sech auszedrécken

20. Dezember 2026 (Yule Fest)
10:00-17:00

-Reecheren
-heelsam Gespréicher
-Kraaftkaarten zéien
-Ritual mat den 13 Wënsch

9. Januar 2027
10:00-17:00

-Reecheren
-heelsam Gespréicher a Réckbléck
-Kraaftkaarten zéien

-Visionboard 
-Dräikinnékskuch