Dagesretreat ronderëm de Schoussraum
Déifgräifend, transformativ an ausgläichend

Eis Gebärmutter ass net nëmmen en Organ fir d’Reproduktioun, mee et stécht nach vill méi dohannert wei ech je geduecht hunn. 

D’Gebärmutter, eise Kraaftzentrum ass ewéi e Schwamm a saugt alles op wat mir erliewen. Duerch dat kollektiivt Trauma ronderëm d’FraSinn, duerch d'Epigenetik, duerch traumatesch Erliefnisser, duerch staark Gefiller wéi zB Trauer a Roserei, duerch Dauerstress a Krankheete kënnen och weiblech Geschlechtsorganer an d’Ongläichgewiicht geroden. Dofir ass et sënnvoll vu Leit aus dem Gesondheetsberäich ënnerstëtzt ze ginn a parallel wäertvoll Ritualer a däin Alldag anzebauen, déi’s du vum Linda a vu mir mat op de Wee kriss. 

Fraen, déi sech ganz bewosst domat beschäftegen, kënne virbeugen, méi an hier weiblech Kraaft kommen a sou Munches an d'Heelung bréngen.

Verschidde Ongleichgewichter kënne mat engem Mix vu Urwëssen, heelsam Gespréicher, kreativt Schaffen, matt vill Opmierksamkeet, matt gudden Intentiounen an Affirmatiounen, Rou, Wäermt, Massagen, Räucherungen, etheresch Ueleger, Fraekräider, Yoni Steaming, Yoni Eeër, Dramreesen, Nahrungsergänzungsmëttelen, Yoga, Beweegung, etc...rëm méi an d’Gläichgewiicht bruecht ginn. 

Dës Rees an däi Schoussraum wäert dech e gutt Stéck an denger perséinlecher an energetescher Entwécklung weiderbréngen. Et hänkt villes zesummen an du wäerts mat der Zäit gesinn, dass du eng aner Vue op dat Ganzt kréie wäerts. 

D'Linda léist säi Wëssen an seng Erfarungen an der Konschttherapie an de Krees fléissen:

"D‘Kreativitéit ass déif mat der Weiblechkeet verbonnen, well se en natierlechen Ausdrock vun der Intuitioun, der Schëpferkraaft an der Wäisheet ass, dei mir déif an eis droen. Si erméiglecht eis an den Dialog mat eisem Ur-Wëssen an eiser Essenz ze trieden. 

Gefiller an dei eegen „aktuell“ Themen kënnen duerch de kreative Prozess siichtbar gemaach, a wann gewollt och transforméiert ginn. An engem Fraekrees kënnen entstanen Biller oder kleng Tounskulpturen als visuellen Anker déngen. Si halen déi gewonnen Erkenntnisser fest an erméiglechen et esou eng nohalteg Relatioun an Verbonnenheet mam eegenen Schoussraum ze verstärken." Linda

D’Linda bitt niewt dem Molkrees och en Atelier mat Toun un, deen d’Verbindung zum Schoussraum hierstellt. 

D’Zil ass, dat s du Loscht kriss an dir Zäit hëls dengem “Schoussraum” Opmierksamkeet ze schenken a Guddes ze doen. Et ass sécherlech e Prozess a mir ginn dir Impulser an Ideeën mat op de Wee, déi s du doheem selbststänneg ëmsetze kanns. Du solls deng eege Ritualer fannen a mat Freed doheem praktizéiere kënnen. 

"Eng Rees an däi Schoussraum" ass fir all Fra geduecht, ob schwanger oder net, mat oder ouni Gebärmutter, etc…

Wat erwuart dech?

-Begréissungskrees

-Intuitive Molkrees mam Linda
-Thema: Schoussraum, Ritualer, weiblech Urkraft, Zyklus, Iwwergäng a Bindung mat sech selwer an der Natur

-Mëttespaus

-Yoni Kaarten zéien
-Äerdungsübung dobaussen

-Aféierung: Fraekräider, Yoni Steaming, etheresch Uelecher a Yoni Eeeër
-Atelier “Toun-Verbindung zum Schoussraum”
-Ofschlosskrees

-Wëllkomm Meditatioun
-Begréissungskrees
-Kraaftkaarten zéien
-Dramrees an de Schoussraum
-Intuitive Molkrees mam Linda

-Ofschlosskrees

Dauer: 4 Stonnen
Präis: 175 euro (Verpflegung+Material inkl.)

Falls du méi ronderëm däi Schoussraum wells gewuer ginn, dann kanns du däi Wëssen verdéiwen, andeems du an déi nächst 8 Fraekreesser ronderëm FraSinn a Weiblechkeet kënns. Datumer ginn zesummen erausgesicht.

Fir dat Ganzt ofzeschléissen fënnt e Retreat vun engem W-E am “Chalet Petry” zu Bettel (L) statt. 

Do weg gemittlech Kleeder un, bréng rutschfest Strëmp oder Schlappen, eng kuscheleg Decken, eppes fir ze drénken an eppes fir ze schreiwen mat! Mir freeën eis dech e Stéckelchen op déngem Wee begleeden ze kënnen.

Linda a Stéphanie.